أوبريت الخيبة الكبيرة ............ ربنا يزيح

أنتجت جماعة الاخوان أغنية لمهاجمة قوائم الحزب الوطني في انتخابات المحليات .
وقالت صحيفة "المصري اليوم" ان الأغنية مصورة ويشبه
توزيعها الموسيقي توزيع أوبريت "الليلة الكبيرة" لسيد مكاوي وكلماتها
تحاكي كلمات الأوبريت، وتحمل صوراً لنواب الوطني في مجلس الشعب وهم
نائمون، إلي جانب مشاهد لقوات أمن وجنود في الشوارع وأمام اللجان
الانتخابية.
تقول كلمات الأغنية:

قايمة حزب الفساد وضبوها.. واتخانقوا كتير قوي لما اختاروها.. قايمة حزب
الوالي بالظلم جايه.. محلي القوايم لما زوروها.. ادفع ادفع.. دا اللي ما
يدفع.. عندنا يرجع.. يرجع يرجع ويقول.. اللي يقول الحزب اختارني.. خش
واتقرطس ولا شارني.. يسترك هات حزب بقرش.. حزب مالوش شعبية.. حزب لا ليك
ولا ليا.. الحق اسرق وزور اسعي.. ده الصندوق أبو ذمة واسعة .. الله الله
الله.
وتنتقل الأغنية إلي المقطع الثاني الذي يقول: الخيبة
الكبيرة يا عمي.. والعسكر كتيرة.. ماليين الشوارع يابا بالشوم والبنادق..
دول مخبرين ودول أمن دولة.. دول بلطجية جاين مقاولة.. يا حضرة الأراجوز
قوللي.. نعم عاوز إيه.. الخير حقيقي هيوصلي.. امدح نبينا وصلي عليه..
هيخدعوك علطول علطول لحد ما تدي صوتك.. تسأل عليه تلاقيه
مشغول لحد ما يطلع روحك.. وتجوع مراتك وعيالك.. مافيش لا زيت بقي ولا
سكر.. وهو عايش وبمالك.. بيمشي علطول يتمختر.. يفضل كده يسرق ويغش لحد
الخازنة ما هاتنش.. ولما تلقي الحزب فشنك.. اعرف إنك تهت وضعت.. ياه دي
الدنيا ضلمة والتوهة جاية.. مع السلامة.. مع السلامة.. مع السلامة في
الجولة الجاية..
فتح عينيك إياك تهرب.. صوتك صوتك اللي هيكسب.. الليلة
الحزب دا عامل لجنة تساوي جنيه قولوا هيه.. وقالوا لنا تشاركوا بصوتكوا
تعالوا تشوفوا هيحصل إيه قولوا هيه.. هيه هيه هيه.. اللجنة شاويش يهجم علي
الناخب يقبض الضهر عليه.. نسوان شكل الحناطير طايحين وأنا عارف ليه..
وكمان واد مرشد قاعد يرصد كل اللي يمر عليه..
وتصل الأغنية إلي المقطع الخاص بالطهور في الأوبريت والذي
حاكته بقولها: يام اللي مزور خشي اللجنة 7 مرات.. أهي مرة بعمة ومرة بلوزة
وفيونكات.. الشعب مصحصح علقة تفوت ولا بلدي تموت بيشارك أهه حط الصوت..
ناس من الحكومة هناك أهم.. أعمل كمين وأندهلهم.. لجنتكم زفت وقندلة.. اشطب
وزور يا ولا.. يا ولاد الحلال حزب تايه طول كده.. عكازه الشمال أمن دولة
زي ده.. ضاعوا يا ولداه.. يامامي.. كام مرشح تاه..
الجدير بالذكر ان مؤشرات النتائج تؤكد فوز الحزب الوطني
الديمقراطي بأكثر من‏90%‏ من مقاعد المجالس المحلية علي مختلف المستويات‏
بينها 80% بالتزكية.‏ ولم تصدر أرقام رسمية لنسبة المشاركة في الاقتراع،
لكن منظمات حقوقية قدّرتها بما بين 5 و 7%.
وأعلنت رسمياً النتائج في محافظة الإسكندرية حيث فاز
الوطني بـ90 في المئة، وفي محافظة القليوبية حيث فاز الوطني بـ2193 مقعداً
وفاز الوفد بـ16 مقعداً والتجمع بـ15 مقعداً.
أما في محافظة جنوب سيناء فأسفرت الانتخابات عن فوز الوطني بكل المقاعد باستثناء مقعدين فاز بهما مستقلان.
وفي الوادي الجديد فاز الوطني أيضاً بكل المقاعد عدا مقعدين لحزب الوفد.
أما في محافظة المنيا فأُعلن فوز مرشحي الوطني بـ133 والوفد بـ4 مقاعد والتجمع بـ3.
ووصف صفوت الشريف الأمين العام للحزب الوطني‏ فوز الحزب
بأنه كبير ومشرف وجاء بعد معركة انتخابية جرت بكل النزاهة والشفافية
والحياد‏.

لتحميل بعلو الصوت هنتكلم غناء مدحت صالح فيديو من هنااااااااااااااااا

لتحميل اوبريت الخيبة الكبيرة صوت من هنااااااااا الجزء الاول

ومن هنااااااااااااااااااااااااااا حمل الجزء الثاااااااااانى

لو عايز تشوفها هنا ممكن اتفرج ياعم

ودمتم فى أمان الله