رد: البوم (تلاكيك)سارة حسين

من طرف sadoo الأحد يونيو 01, 2008 4:03 pm

السلام عليكم ورحمة الله وبركاته
لقد سجلت عضوية مخصوص في هذا المنتدى بعد مشاهدة هذا الموضوع
حيث لم اتمالك نفسي فقررت الكتابة والرد
بحق هذه مهزلة
بل فضيحة للإخوان
كنت أتمنى أن يكون الإخوان سبب في ارتقاء الفن الإسلامي لا انحداره لهذا المستوى المنحط
لهذه الدرجة تكون الأناشيد الاسلامية التي تهتم بأمور الأمة الإسلامية على واحدة ونص (على ايقاع يرقص )
أرجو من صاحب المشاركة أن يحذف هذا الموضوع لأنها مهزلة بكل المقاييس
أتمنى أن يحذف الموضوع وليس الرد
عملا بمبدأ الحيادية التي يتمتع بها الإخوان أو بمقتضى مبدأ الديموقراطية التي فيها يعتقدون و بها يطالبون
تحياتي ودمتم جميعا بخير

هل هذا ما يرضيك يابطل
انت بس تؤمر
بس ليا عندك شوية عتب
اولا نحن لا نمثل الاخوان المسلمين وان كنا نفخر اننا منهم
ثانيا مين قالك ياراجل ان الاخوان بتوع ديموقراطية
الاخوان ياحبيب قلبى بتوع شورى لأن ده هو الاسلام
ثالثا من مبدأ الشورى ان تحترم وجهات النظر التانيه وده اللى عمله سيدك وتاج راسك النبى صلى الله علية وسلم استشار الصحابة فى غزوة احد وكان الرأى انهم يطلعوا مع ان النبى عارف ان الرأى ده فية خطأ لكن الشورى تحتم ان انزل على رأى المجموع
رابعا ايه اللى دخل الاخوان فى شريط تلاكيك هو انت شايف الملحن مهدى عاكف ولا حاجه ولا ظابط الايقاع خيرت الشاطر اللى معتقل عشانى وعشانك وعشان حرية البلد
يا اخى الحبيب ده اسمه تحامل على الاخوان وعلى الدعوة وتحامل عشان مسائل شخصية وانا عارف بقول ايه لما بقولك عشان حجات شخصية
خامسا انا عن نفسى مش مقتنع بفكرة الشريط لكنها فكرة ووجهة نظر اعرضها وشوف الناس هتقرر ايه مش تصادرها زى ما انت طلبت
سادسا انا ما خذفتش المشاركة عشانك ولا حاجه كده كده احنا نقلنا المنتدى على العنوان ده
http://enshadona.fri2.com/vb
فحضرتك لو عايز تشارك فيه من غير ما تسفه أراء الاخرين بس تتكلم عن وجه نظرك بكل حريه اهلا وسهلا ويبقى كسبنا اخ غالى وعضو محترم اما اذا كانت الاخرى فأظن انه من الصعب ان نبنى بهذه الطريقه
سابعا احبك فى الله